O Sciore Cchiù Felice
(Indisponível)
Che suonno: cammenavo int’a nu prato
c’ ‘a cervella stevo assaje stunato
tutt’ ‘ a campagna era nu raggio ‘e sole
nun se senteva manco nu rummore
sento ancora addure
tengo ll’uocchie chine ‘e tutti sti culure
me regne ‘o core stu paraviso
ce manche sulo tu vicino a me!
cammino ancora e veco mille sciure
n’arcobaleno’e mille culure
spartuto ogni culore uno cu n’ato
cu na gaiola ‘e fierro filato.
ce spiaje a nu sciore
pecchÈ nun ve piace ‘e sta tutt’ammiscate?
chillo ‘a copp’ ‘a mano me guardaje redenno e
accuminciaje a canta’:
“ ‘o sciore cchiu felice È ‘o sciore senza radice
corre comme ‘o cane senza fune, ‘o sciore senza padrune”.
all’intrasatta sponta n’ommo gruosso
me ne fujette ‘e pressa int’a nu fuosso
chist’ommo cu na favece affilata
tagliava ‘e sciure p’e ppurta’ ‘o mercato
si p’a primma vota
ncopp’ ‘ a bancarella stevano ammiscate
uÈ c’appiccecate uno cu n’ato pe se fa’ guarda’
e che dulore a essere tagliate,
che confusione a nu tene’ radice
perÒ cÀ ncoppa simmo tutte eguale
senza culure, sulamente sciure.
ne fuje nu mumento
fujetteno ‘e sciure nunce vulette niente
primma spartute mo mano e mano
appizza ‘a recchia e sientece ‘e canta’:
“o sciore cchiÙ felice È ‘o sciore senza radice
corre comme ‘o cane senza fune ‘o sciore senza padrune”.
“o sciore cchiÙ felice È l’ommo senza radice
corre comme ‘o cane senza fune chist’ommo senza padrune
nuje simmo senza padrune
‘o sciore cchiÙ felice È ‘o sciore senza radice.
|
|
