A Cittá ‘e Pulecenella
((C.Mattone))
T’accumpagno vico vico sulo a te ca si´ n’amico
e te porto p´´e quartiere addó ‘o sole nun se vere
Ma se vere tutto ‘o riesto e s’arapono ‘e ffeneste
e capisce comm’é bella ‘a cittá ‘e pulecenella
Comm’é bella, comm’é bella ‘a cittá ‘e pulecenella
Comm’é bella, comm’é bella ‘a cittá ‘e pulecenella
Mme dispiace sulamente ca ll’orgoglio ‘e chesta gente
se murtifica ogne ghiuorno pe´na maneca ‘e fetiente
che nun tenono cuscienza che nun tenono rispetto
Comme fanno a pigliá suonno quann’é ‘a sera dint’’o lietto
Dint’’o lietto, dint’’o lietto, quann’é ‘a sera dint’’o lietto
Dint’’o lietto, dint’’o lietto, quann’é ‘a sera dint’’o lietto
Mo te porto a Margellina sempe ca nun tiene fretta
verso ‘e ccinche d’’a matina quann’’o traffico ‘o ppermette
Che é permesso tutte cosa no pecché tiene ‘o diritto
ma pecché s’é sempe fatto, é sultanto pé dispietto
Pe´ dispietto pe´ dispietto, é sultanto pe´ dispietto
Pe´ dispietto pe´ dispietto, é sultanto pe´ dispietto
Mme dispiace sulamente ca ll’orgoglio ‘e chesta gente
se murtifica ogne ghiuorno e nuje ce mettimmo scuorno
Ma nisciuno pó fá niente, ce ‘a zucammo ‘a caramella
Comm’é doce e comme é bella ‘a cittá ‘e pulecenella
Comm’é doce, comm’é bella ‘a cittá ‘e pulecenella
Comm’é doce, comm’é bella ‘a cittá ‘e pulecenella
Comm’é bella, comm’é bella ‘a cittá ‘e pulecenella
Comm’é bella, comm’é bella ‘a cittá ‘e pulecenella
I´ che songo musicante e mme sento furtunato
canto e sono, sono e canto chesta bella serenata
E pecché so´ ‘nnammurato, pecché forse ce so´nato
ma vedite comm’é bella ‘a cittá ‘e pulecenella
Comm’é bella, comm’é bella ‘a cittá ‘e pulecenella
Comm’é bella, comm’é bella ‘a cittá ‘e pulecenella
Comm’é doce, comm’é bella ‘a cittá ‘e pulecenella
Comm’é bella, comm’é bella ‘a cittá ‘e pulecenella
|
|
